ERINNERUNG KURZ NACH DER DIAGNOSE - ARCHIV

"Niemals werde ich vergessen, als meine jüngere Schwester uns im Familienchat folgendes mitgeteilt hat... (Ich weiss noch genau wo ich gestanden habe):

Hallo mini liebi Famile, ich bins de Levi. Han eu welle säge, dass ich es Ängeli bin. Ich han es Syndrom wo ich zwar wird lerne Laufe, ich werde aber nie lerne Rede. Ich werde immer bim Mami und Papi müesse bliebe, will ich nie wird chönne uf mich selber luege. Ich bin aber es glücklichs Chindli, das ghört au zu mim Syndrom dezue und ich wirde eu immer fescht chönne zeige wie lieb ich eu han, will ich mega gern han wenn ich bi Lüüt bin und kuschlet werde! S Mami und de Papi sind zwar fest trurig wege dem, sie händ mich aber unendlich fest lieb und händ so fest Freud a mir wie alli andere Mamis und Papis au! Und ich weiss, dass au ihr mich glich lieb händ und das isch schön! Sind ned trurig, denn mir gahts guet!

Mis Syndrom heisst Angelman-Syndrom wenn ihr meh wänd go lese drüber und ihr chönd natürlich jederziit au s Mami und de Papi fröge wenn ihr was wend wüsse.

Liebs Grüessli eue Levi

Kaum war ich zu Hause, wurde gegoogelt wie verrückt, und sofort stiess ich auf den Angelman Verein Schweiz. Ich stellte sooo viele Fragen, und obwohl ich ja „nur“ Tante bin, innert kürzester Zeit wurde mir so viel beantwortet. Wie wertvoll ist dieser Verein, vorallem auch für direkt Betroffene. Danke lieber Angelman Verein Schweiz, immer und immer wieder habt ihr mir geholfen um damit meine Schwester zu unterstützen. Danke liebe Melanie für alles was ihr tut."

Kerstin Borioli-Käppeli, Gönnermitglied seit 2016

Text kurz nach der Diagnose im Einverständnis der ganzen Familie gesendet, um aufzuzeigen, wie wertvoll der Verein auch für das Umfeld der betroffenen Familie ist.

DANKE DAFÜR!